Kunếng- Kunếng padế dalam blang, tapi that sayang ketulo pajoeh.
Umu ka tuha udếp lam lajang, cukoep that judo goehloem troeh.
Jipoet angến coet uroe timang, peu ếk layang u langết tujoeh.
Meubagoe cara kalheuh lon paban, peut boeh tunangan mandum kaputoeh.
Kilat gelanteu meurếk rếk awan, siat oeh lheuh nyan ujen ka ji toeh.
Janji jeulamế phon limeung blah manyam, sibuleun lheuhnyan ka jet dua ploeh.
Jitoeh ujen hana jipiram, leupah that sayang ureung meulampoeh.
Han ếk lon pikế ule ka mumang, bak mak tuwan kapayah meutanggoeh.
Pane jitimoeh si aneuk bayam, jareung ta siram baja tan taboeh.
Kon han lon meukawến umu ka matang, tapi nyuem meuh simanyam ka sijuta lhếe retoeh.
11 juni 2011/ Nas Mk
No comments:
Post a Comment